Այսօր․ Հոգսերով լի սրտիս նման [Aysor․ Hogserov li syrtis nyman] lyrics

Հոգսերով լի սրտիս նման

Երկինքն էլ է տխրել այսօր,

Պայծառ արեգակը ամռան

Ամպի տակ է մտել այսօր։

Միտքս մի տեղ չի առնում կանգ

Որոնում եմ մխիթարանք,

Ոչ մի ուրախություն, բերկրանք

Ինձ վրա չի ազդել այսօր։

Իմ կաթոգին աննմանիս

Սերը ցեց է եղել ջանիս,

Սրտով սիրած սիրականիս

Կերպը միտս է ընկել այսօր:

Ջիվան, շատ է ցավը սրտիս,

Չկա ընտրած լավը սրտիս,

Հոգսերով լի նավը սրտիս

Ծովումն է ընկղմել այսօր:

• Artist:Ashugh Jivani (Serob Levonian)