Avite visto maje nu piccerillo [Italian translation]

Avite visto maje nu piccerillo

dint'a ll'acqua menà na varchetèlla,

e accumpagnarla cu nu sprucculillo?

Pe nun farla affunnà stènne 'a manélla...

L'avite visto maje, stu piccerillo?

Sènza sciatà, c’a léngua 'a fòra, attiénto,

vurria c'a varchetèlla 'un s'affunnasse...

Si véde ca s'abbócca, lle fa viènto,

appaurato ca fernésce 'o spasse,

sènza sciatà, c'a léngua 'a fòra, attiénto...

Ll'avite visto maje? Pur'io sta varca

aggio avviata fòra a sta marina...

Ma che marètta! Quaccheduno sbarca,

chéll'auta lanzetèlla s'avvicina...

Io, sulo e tuósto, méngo ‘nnanz'a varca!

Madònna mia, mànnala 'nzarvamiento,

Madònna mia, nun me la fà affunnare!

Madònna mia, ména nu brutto viénto!

Mado', t'arraccumanno 'o marenare!...

Madònna mia, mànnala 'nzarvamiento!

• Artist:Ferdinando Russo
• Album:Sunettiata (1887)