Atirgul lyrics

Gullar oqshom chog`ida o`yga tolar emishlar,

Quyosh botgan tarafga qarab qolar emishlar. (x2)

So`ng barchasi subhidam sal iymanib, nozlanib,

Quyoshni kutar emish sharq tomonga yuzlanib. (x2)

Atirgulim, atirgulim, atirgulim, sevgilim. {x2}

Faqatgina atirgul sog`inch dog`lab ko`ksini,

Quyoshi ketgan yo`ldan olmas emish ko`zini. (x2)

Ters tomondan kun chiqqach, to`lib shabnam ko`zyoshga,

Hayrat-u araz bilan qayrilarmish quyoshga.

Atirgulim, atirgulim, atirgulim, sevgilim. {x2}

Men bir darbadar odam, yo`lda kechar hayotim,

Gulim dilda yonadi, bir iltijo, bir dodim. (x2)

Bu dunyoda yo`l ko`pdir, gulim umrim xayolda,

Gohi janubga botib, chiqadurman shimoldan.

Atirgulim sevgilim, men qaylarga yelmayin,

Ketib qaysi ko`chadan, qaysi yo`ldan kelmayin.

Ko`zlaringni qadab qol, quyosh yanglig` dilimga,

Kelgunimcha qarab qol, jo`nab ketgan yo`limga.

Gullar oqshom chog`ida o`yga tolar emishlar,

Quyosh botgan tarafga qarab qolar emishlar.

• Artist:Ozodbek Nazarbekov