Гимн Ичкерии [Anthem Of Ichkeria]

Буьйсанна борз ехкаш дуьненчу девлла тхо,

Ӏуьйранна лом угӀуш тхан цӀераш техкина.

Лаилаха иллАллахI.

Аьрзонийн баннашкахь наноша дакхийна,

Тархаш тӀехь дой хьийзон дайша тхо Ӏамийна.

Лаилаха иллАллахI.

Халкъана, махкана наноша кхоьллина,

Цаьршинна эшначохь, майра дӀахӀиттина.

Лаилаха иллАллахI.

Ламанан лечарчий маршонехь кхиийна,

Халонех, бохамех курра чекхдийлина.

Лаилаха иллАллахI.

Мокхазан ламанаш даш хилла лаларах,

Дахарехь, къийсамехь яхь оха дӀалур яц!

Лаилаха иллАллахI.

Бос Ӏаьржа ва латта молханах лелхарах,

Тхешан сий доьхкина, тхо лаьтта доьрзур дац.

Лаилаха иллАллахI.

Тхо цкъа а цхьанненна къарделла совцур дац,

Ӏожалла, я маршо — шиннех цхьаъ йоккхур ю?

Лаилаха иллАллахI.

Йижараша тхан чевнаш эшаршца ерзайо,

Хьомсарчу бӀаьргаша хьуьнаршна гӀиттадо.

Лаилаха иллАллахI.

Мацалло хьовзадахь, орамаш дуур ду,

Хьогалло тхаш бӀарздахь, бецан тхи мийр ду!

Лаилаха иллАллахI.

Буьйсанна борз ехкаш дуьненчу девлла ду,

Халкъана, махкана, Далла а муьтӀахь ду...

Лаилаха иллАллахI!

• Artist:Imam Alimsultanov
• Album:Толам