Amuri senza amuri lyrics

Chi voli diri amuri senza amuri

Vulari senza ali ‘ncontru o suli

Scurà 'na gioventù cusennu tila

'Na vita ca è un pocu di cannila

E va facinnu sempri 'na filagna

Stu suli nun ti coci e nun ti vagna

Acqua nun ci nn’è a mari ‘pi l’arsura

Siti d’amuri sinu ca vivi cura

Chi voli diri amuri si lu senti

D’un cori cummattutu cu la menti

Comu lu mungibeddu sempri vivi

Dintra c’hai lu focu, fora la nivi

Ti dissi di lu celu si la luna

Di li risurrezioni idda s’adduna

Comu contenta pi la to prisenza

Stu viaggiu ca inchìu un’esistenza

Chi voli diri amuri ora si sapi

Pigliari u ciuri ciuri comu l’api

Rutti su li catini e li tinagli

Finiu lu tempu ca p’amuri squagli

Pirdisti la firmizza ca ti staglia

Vistutu e niuru è, l’arma di paglia

Sulu la morti sciogli li turturi

Quannu si viri amuri senza amuri

Pirdisti la firmizza ca ti staglia

Vistutu e niuru è, l’arma di paglia

Sulu la morti sciogli li turturi

Quannu si viri amuri senza amuri

• Artist:Rosa Balistreri
• Album:Amuri senza amuri (1974)