Ai cuddos [Italian translation]

Ai cuddos ch'in favore

de sa patria han peroradu,

chi s'ispada hana ogadu

pro sa causa comune,

o a su tuju sa fune

cheriant ponner, meschinos,

o comente a Giacobinos

los cheriant massacrare.

Però su chelu hat difesu

sos bonos visibilmente,

atterradu hat su potente,

et s'umile esaltadu.

Deus, chi s'est declaradu

pro custa patria nostra,

de ‘ogn’insidia ‘ostra

isse nos hat a salvare.

Perfidu feudatariu,

pro interesse privadu

protettore declaradu

ses de su piemontesu.

Cun issu ti fist intesu

cun meda fazilidade:

isse papada in zittade

e tue in bidda a porfia.

Fit pro sos piemontesos

sa Sardigna una cucagna

che in sas Indias s'Ispagna

issos s'incontrant inoghe.

Nos alzaiat sa 'oghe

fintzas unu camareri,

o plebeu o cavaglieri

si deviat umiliare.

Issos dae custa terra

ch'hana 'ogadu migliones,

beniant senza calzones

E si nd'handaiant gallonados.

Mai ch'esserent istados,

chi ch'hana postu su fogu!

Malaittu cuddu logu

chi criat tale zenìa.

Issos inoghe incontràan

vantaggiosos imeneos,

pro issos fint sos impleos,

pro issos fint sos onores,

sas dignidades mazores

de cheja, toga e ispada,

et a su sardu restàat

una fune a s'impiccare.

Sos disculos nos mandàan

pro castigu e curressione,

cun paga e cun pensione,

cun impleu e cun patente.

In Moscovia tale zente

si mandat a Siberia

pro chi morzat de miseria,

però non pro guvernare!

Barones, sa tirannia

procurade 'e moderare!

Procurade 'e moderare,

barones, sa tirannia!

Barones, sa tirannia

procurade 'e moderare!

Procurade 'e moderare,

barones, sa tirannia!

• Artist:Tenores di Neoneli
• Album:Barones