Adduormete cu' mme! [Italian translation]

'Stu core ha ditto: "Va' ca faje peccato!

Torna addu chi t'amava e tu hê traduto!"

E i', 'nnammurato 'e te, songo turnato

Pe' t'asciuttà 'sti llacreme chiagnute.

Adduormete cu' mme sott'a 'sta luna,

Te faccio cunnulià da 'e ttre Ssirene.

Bella d' 'a vita mia, stienneme 'a mano,

Voglio turnà addu te ca mme vuò bbene.

Adduormete cu' mme sott'a 'sta luna.

Tante ne voglio jettà suspire amare,

Quante ne stanno, 'ncielo, stelle d'oro.

Tante te n'aggi' 'a dà vase d'ammore,

Quant'acene d'arena tene 'o mare.

Adduormete cu' mme sott'a 'sta luna,

Te faccio cunnulià da 'e ttre Ssirene.

Bella d' 'a vita mia, stienneme 'a mano,

Voglio turnà addu te ca mme vuò bbene.

Adduormete cu' mme sott'a 'sta luna.

• Artist:Mario Abbate