ابويا واحشني جدا [Aboya Waheshni Geddan] lyrics

أنا أبويا واحشني جدا

محتاج رأيه في حاجات

أهمل في سؤاله عني

ومجاش من يوم ما مات

نضارته وساعته لسه

عالرف مكان ما سابهم

وهدومه جوة كيسهم

وجداد من يوم ما جابهم

نفسي أتكلم معاه

وأحكيله عاللي تم

وهقوله مين في مرضه

زاره ونقله دم

وهاقوله إني آسف

علشان خبيت عليه

وأحلفله بإني نفسي

لو يوم ألمس إيديه

وأعمله شاي خفيف

وأقسم وياه رغيف

كان حضنه جمعنا لما

كان صوته فيه ونس

وكتير بقعد معاه

وأشكيله من الحياة

أنا عارف إنه سامع

متأكد إنه حس

ما هو برضه الموت لا يمكن

يقتل في الناس شعورها

ومافيش في الدنيا شجرة

تقطعها من جذورها

ومافيش في الدنيا راحل

إلا وسايب وراه

واحد من صلبه شبهه

يدعيله في الصلاة

أنا أبويا واحشني جداً

وحشاني معاه حاجات

بطلت أعملها وحدي

من ساعة لما مات

• Artist:Balqees Fathi
• Album:Arahenkom 2017