A yemma amek lyrics

A yemma

A yemma amek i dam-teḍra

Srewteɣ εebban wiyaḍ

G°riɣ-d am weblaḍ

S wallen ttawiɣ lewhi

Γef wul-iw yenneɣl ccyaḍ

Iles-iw d asemmaḍ

Ggummaɣ a d-refdeɣ timmi

Mi ẓriɣ iziker aneggaḍ

Yelsa-d icifaḍ

Ḥemmleɣ w’iteddun ḥafi

A yemma ṣebr ur ttru

Deg umezruy a kem-naru

W’iεeddan neɣ wi d-yusan

D aṛumi neɣ d mmi-s n Crif

Di tayett acu i d-rnan

Siwa ttεebga uɣilif

Assa ḥedṛeɣ i yiḍan

Ɛebb°eln i wedrar n nnif

Ur s-qqar mmi yenṭer

Ur jerreḥ deg wul inem

I igersan aqlaɣ neṣber

Wala ibbeεtiyen at lhem

Tagrawla neṛğa a tt-nẓer

Ma nemmut Ṛebbi a ɣ-yeṛḥem

Γef yiles-iw mi tettnadim

Iḥudd-ed weεdaw tilas

Ḥdeṛɣ-awen mi tɣellim

Ttaččaṛen yiss-wen leḥbas

Assa ḥedṛeɣ temserwim

Am waken negrent tissas

A yemma εzizen ur ttru

Ttaṛ-im a m-t-id-rreɣ

Di lεezza-m hdeṛ rnu

D agrawliw ttḥaṛebeɣ

D agrawliw ttnaḍaḥeɣ

• Artist:Matoub Lounès
• Album:Communion avec la Patrie (1993)