'A funtanèlla amara. [Italian translation]

Me so’ fermato 'nnanz’ a 'na funtana

ca pòrta scritto ca sana ògne ammóre.

Aggio vìppeto, e ll’acqua nun me sana!

M’ha miso n’ata péna dint’o còre!

E tèngo dint‘o còre n’ata péna

pecché chést’acqua è fango e m’avveléna;

e mo, tutto pe causa ‘e na 'mpesèlla,

scórre dall’uócchie mièie na funtanèlla...

Funtana, funtanèlla d’acqua amara,

acqua nun è, so’ làcreme d’ammóre,

dice ‘a canzóna antica. E ‘a vóce è chiara

cómm’a sincerità dint’a 'stu còre.

Ma ‘o còre tuio n’è mai stato sincèro,

cómme busciardo fuie pure ‘o penziéro!

Maro' a chi s’annammóra e po l’attòcca

‘e suspirà p’e cchiacchiere ‘e na vócca!

Vócca busciarda, cu stu pizzo a riso

'ntuòsseche ‘o còre quanno dai nu vaso!

E si pe’ scagno jisse ‘n Paraviso

tu 'ngannarrisse pure a San Tummaso!

E si pe’ scagno dint‘o Nfiéno jisse

pure ‘o Demmònio te cumbinarrisse,

pecché quanno nasciste, oi bèlla mia,

stive 'mpastata 'nziéme a na buscia!

• Artist:Ferdinando Russo