A ballata di Mattea lyrics

Ùn lu vidarei più u capu à a falcunaghja

I culombi chì d'aprile volanu sempre per paghju.

Ùn farei più sunate à u sole di e murnaghje

Ne puru ti sintaremu impruvisà nant'à l'aghja.

Piengu di sapè chì di marzu quandi u sole hè più vivu

Ùn sarei più cù noi sott'à i rutoni d'alive.

D'ottobre in campu furnellu quandu sarà la stagione

E giuvanotte à cugliera aspitteranu e to canzone.

Quandu pensu à li to ochji u mio ciarbellu si move

E piengu li mio suspiri mentre corre l'oliu novu.

Megliu ch'ùn ci pensi più chì a mio memoria scrochja

Morgu pianu di sapè chè t'hai sceltu d'altri ochji.

M'avii tantu prumessu d'esse sempre à lu mio latu

Ma quandu ùn t'aghju vistu ghjunghje, si n'hè struttu lu mio fiatu.

Oghje dapoi tanti anni ormai a to strada hè meia

Di scopre tante billezze da e cime di San Parteu.

• Artist:I Chjami Aghjalesi