عيش بشوقك [3eesh besho2ak] [Indonesian translation]

لو من تقل الهم عليك، فاض بيك

لو ليك اي شكوي، متشتكيش و اسمع نصايحي

ولو الدنيا مغلباك و مشقلباك

وخداك غسيل و مكوي

البسلها الوش الفرايحي

[x2]

و إن كنت مفلس خالص خالص و محلتكش جنية

قول علي الجزمة الباتا اللي إنت لابسها إنها سينيه

مثّل علي الدنيا في عز الفقر إن إنت سعادة البيه

متخليش حد يقولك شايل طاجن ستك ليه

[x3]

و بشوقك، عيش بشوقك

و دماغك إملاها علي ذوقك

و بشوقك، عيش بشوقك

وساعتها هيمشي سوقك

لما تطبل فوق راسك، اديها انت كمان تسقيف

وانشف كده و اصلب طولك، متبينش ان انت ضعيف

متاكلش الجبنة البيضة لو كان نفسك في البلوبيف

واصرف كل اللي في جيبك، دلع نفسك، عيش صرّيف

إحساسك قالك حاجة، امشي وراه، إحساسك صادق

ده السكر لون الملح، واحد حلو و واحد حادق

راحة البال اللي بجد، ليها اصول ليها مبادئ

لو ساكن فوق السطح اعتبره سويت في احلي فنادق

[x3]

و بشوقك، عيش بشوقك

و دماغك إملاها علي ذوقك

و بشوقك، عيش بشوقك

وساعتها هيمشي سوقك

خد يابني مني الكلمة دي

اصرف ما في الجيب

اصرف ما في الجيب، وإشحت بكره عادي

[x3]

و بشوقك، عيش بشوقك

و دماغك إملاها علي ذوقك

• Artist:Tamer Hosny
• Album:عيش بشوقك