Es iz geven a zumertog [German translation]

Es iz geven a zumer-tog,

Vi shtendik zunik-sheyn,

Un di natur hot dan gehat

In zikh azoyfil kheyn,

Es hobn feygelekh gezungen,

Freylekh zikh arumgeshprungen,

In geto hot men undz geheysn geyn.

Akh shtelt zikh for vos s’iz fun undz gevorn!

Farshtanen hobn mir: s’iz alts farloyrn.

S’hot nit geholfn undzer betn,

Az s’zol emitser undz retn—

Farlozn hobn mir dokh undzer heym.

Getsoygn hot der veg zikh lang.

S’iz shver geven tsu geyn.

Mir dukht, az kukndik oyf undz

Tseveynt volt zikh a shteyn.

Gegangen zaynen zkeynim, kinder,

Vi tsu der akeyde rinder,

Mentshns blut geflosn iz in gas.

Itst zaynen ale mir farshparte,

Farpaynikte, fun lebn opgenarte.

Ver on a tatn, on a mamen,

Zeltn ver es iz tsuzamen.

Der soyne hot dergreykht zayn groysn tsil.

Gevezn zaynen mir tsufil—

Bafoyln hot der har

Tsu brengen yidn fun arum

Un shisn oyf Ponar.

Pust zaynen gevorn shtiber,

Ober ful derfar di griber.

Der soyne hot dergreykht zayn groysn tsil.

Oyf Ponar itst zet men oyf di vegn

Zakhn, hitlen durkhgenetst fun regn,

Dos zaynen zakhn fun korbones,

Fun di heylike neshomes,

Di erd hot zey oyf eybik tsugedekt.

Un itst iz vider zunik-sheyn,

Shmekt prakhtful alts arum,

Un mir zaynen farpaynikte

Un laydn ale shtum.

Opgeshnitn fun der velt,

Mit hoykhe moyern farshtelt,

A shtral fun hofnung dervekt zikh koym

• Artist:Rikle Glezer